آقر سوو من

تيتره دي نفسلريم دن هوا،

درختلر قوللرين كوتردي باشيمدن،

كيتدي غم يولدوزلري تاميب ياشيمدن،

توشدي عالملرگه سودا،

مينينگ عزميم دن.

آديملريم قورقيتدي اينگ كوچلي لرني،

بركمالليك نمايان حتا كميم دن.

اوزبيك نينگ قيزي من،

اوشه باتير قيز!

مين آنه ييرنينگ عاجزي ايمس،

لطيف يشش نينگ سحرلي شاعري دير من.

رومالي سايه بان بولگن؛

جنگ ميدانيده كوزي ياوگه نشتر قده گن،

اوزبيك آنه سي من!

آقر سوومن، هوا من.

مين دريانينگ كينگليگيدن كيلگن اوزبيك عيالي من.

كونگلي آسمان كوچ من!