اورگیلهی سیوگی

اورگیلهی سیوگی!
نی گوزهل یشهیپسن،
حیاتیمنی تولدیریب.
دنیا شاووقینلرین تینگلمهی مغرور،
ییلکهنگ نی تیک توتیب،
توریبسن کولیمسیرهب.
سین بارسن که،
او دیر مهربان مینگه،
سین طفیلی،
قووانچ سیغمس ایچیمگه.
کیکسهریب کیتدی-
اوشه سیدیرغه کونلر،
ایندی قاره ایمس،
یشیللیکلر پینجیگه،
شونغیب کیتگندیر حیات.
دنیامیزگه،
باش- قاش بول،
همیشهلیک مهرینگ تاوولب.
ایلنهی سیوگی،
کیتمس مهمان بولیب،
قالهویر ییللر، ییللر...

سوزلر معناسی:
۱. ییلکه: شانه
۲. سیدیرغه: ساده، بیر رنگلی، نقش و نگارسیز.
۳. پینج: پناه، پهلو، حمایه.
۴. مهر تاوولهماق: (فا) مهر ورزیدن
۵. شونغیماق: چومیب کیتیش، بیران نرسهگه قتتیق مشغول بولیب قالیش.

بیغبار بیر تویغو...